Blažič MVP 24. kola AdmiralBet ABA lige
Košarkaš Cedevita Olimpije Jaka Blažič osvajač je titule najkorisnijeg igrača 24. kola AdmiralBet ABA lige.
Slovenac je predvodio tim iz Ljubljane do pobjede nad Mornarom od 105:85. Blažič je za 31:10 minuta na parketu ubacio 18 poena, imao devet asistencija i osam skokova, za ukupan indeks korisnosti – 37.
Isti indeks imao je i košarkaš FMP-a iz Železnika Aleksa Stepanović na meču protiv Budućnosti koji su „panteri“ riješili u svoju korist.
Stepanović je za 35:06 minuta na parketu postigao 30 poena, te dodao šest skokova i dvije asistencije.
Ipak, Blažiču je pripalo MVP prizanje, jer je proveo manje vremena na parketu.