Odnos dvije teniserke Ane Ivanović i Jelene Janković oduvijek je intrigirao javnost, a Ana je prvi put jasno odgovorila na pitanje o njihovom rivalitetu.
Naime, sumnje da baš nisu u najoljim odnosima su se širile tokom njihove profesionalne karijere, ali i nakon što Ana nije pozvala Jelenu sa svadbu sa Bastijanom.
Sada je Ana, koja gotovo nikada nije govorila o ovome, gostujući u jednom podkastu otkrila da je bilo rivaliteta između njih dvije.
“Kome si ti bila crna mačka?”, upitao ju je voditelj.
“Ja mislim Kuznjecovoj i Janković, isto”, priznala je Ana kroz smijeh.
Kako je navela, u tenisu nikada nije imala prave prijateljice, pa tako ni sa Jelenom, ističe, ne postoji blisko prijateljstvo.
“U tenisu ne postoji previše prijateljstva. Neke djevojke sa kojima sam igrala su mi sad najbolje drugarice, ali u tom momentu nema previše prijateljstava. Ja mislim da nisu samo krivi igrači, nego i cio tim, i cio eko sistem… Ne postoji, da kažem blisko prijateljstvo”, ispričala je ona u podkastu “(Ne)Uspjeh prvaka”.
Samo je jednom pomenula Jelenu Janković
Ana je, tek nedavo u jednoj emisiji samo kroz priču pomenula tadašnju rivalku, Jelenu Janković i otkrila koje su bile njene prednosti.
“Isto tako, Jelena Janković i ja smo u to vrijeme bile totalno različiti karakteri i imali smo različit stil igranja. Ja sam imala agresivniji forhend i igru, a kod nje nije postojala loptica koju Jelena nije mogla da udari”, izjavila je Ivanovićeva svojevremeno na “K1”.
(CDM)
