Mobilni Svijet

Žurka na Twitteru zbog Maskove odluke o naplati verifikacije: Pojavio se verifikovani Isus, javio se čak i Džon Lenon koji kaže da je pogriješio i da raj postoji

0

Na Twitteru je trenutno potpuni haos.

Zbog Maskovog novog pravila o kupovini plavih znački koje označavaju verifikovani profil tu društvenu mrežu su preplavile lažne objave s lažnih profila koji sad, očekivano svi osim Maska, imaju plavu značku. Isus Hrist, Džordž V. Buš, LeBron Džejms pa čak i Nintendo samo su neka od imena koja su se aktivirala s plavim štrikovima.

Na profilu pod imenom Nintenda osvanuo je Super Mario s dignutim srednjim prstom, lažni Džordž V. Buš je pod napisao da mu “baš nedostaje ubijanje Iračana”, a lažni LeBron Džejms je “zatražio odlazak iz Lakersa”. Javio se i “Džon Lenon”, da javi da su “napokon dobili Twitter u onozemaljskom životu“ i kazao da je ipak pogriješio u svojoj pjesmi „Imagine“ i da raj ipak postoji.

 

I Isus dobio plavi štrik

Najviše se na Twitteru trenutno zabavlja profil pod imenom Isusa Hrista koji već neko vrijeme postoji i oduševljava na toj društvenoj mreži, no sad je dobio i plavi štrik.

Našalio se i s Maskovom objavom da “parodija mora biti jasno označena” pa mu poručio: “Ovo je parodija.” Da ne bi bilo zabune.

S vremenom su mnogi od tih profila uklonjeni, no to i dalje ne sprečava haos koji se trenutno odvija na Twitteru. Sve je dovelo do toga da je sastav verifikacija (Twitter Blue) potpuno uklonjen dok se ne smisli rješenje.

Iako platforma još nije izdala službenu izjavu o nemogućnosti korištenja usluge Twitter Blue, američki mediji javljaju da se brojni korisnici nisu mogli prijaviti na uslugu više od sat vremena. Opcija prijave za Twitter Blue nestala je za većinu korisnika na Twitterovoj iOS aplikaciji, gdje je usluga pokrenuta ove nedjelje.

“Bilo je lijepo dok je trajalo”, pišu sad tviteraši, prenosi Index.

(CDM)

Možda ti se svidi Više od Autora
Ostavite Komentar

Your email address will not be published.