Union prekinuo Lajpcigov niz, vatrometni remiji u Frajburgu i Frankfurtu, sigurni Bajern i Keln

Odigrano je pet utakmica 31. Bundeslige, a pobjede su zabiljeležili Keln, Bajer Leverkuzen i Union Berlin, dok pobjednika nije bilo u „vatrometu” golova  Ajntraht – Hofenhajm i Frajburg – Borusija Menhegladbah.

Derbi je odigran u Lajpcigu, gdje se Union Berlin revanširao za poraz u polufinalu kupa. Ko zna, možda bi ovaj poraz skuplje mogao da košta „crvene bikove”, jer njime je ugroženo mjesto u Ligi šampiona. Sa druge strane, ovom pobjedom ekipa iz glavnog grada Njemačke vratila se u igru za plasman u elitno takmičenje. Poslije prvog poluvremena u kojem nije bilo golova, poveo je domaći tim. Strijelac je bio Poulsen u 46. minutu. RB Lajpcig je držao sve u svojim rukama do finiša meča. A onda se sve srušilo za tri minuta. Mišel u 86. i Berens u 89. minutu donijeli su preokret i pobjedu Unionu, koji je sada šesti, sa četiri boda manje od četvrtoplasiranog RB Lajpciga, koji je poražen nakon tri vezana trijumfa.

Isti broj bodova kao RB Lajpcig ima i Frajburg. Finalista Kupa Njemačke nije uspio da iskoristi kiks protivnika u finalu, pošto je na svom terenu 3:3 sa Borusijom iz Menhegladbaha. „Koltovi” su golovima Bensebainija i Emboloa vodili 2:0, ali su Grifo iz penala i Ginter donijeli poravnanje u 61. minutu. Potpuni preokret donio je Lajnhart u 80. minutu, ali u trećem minutu nadoknade Štindl je izbio bodove Frajburgu.

Neriješeno je bilo i u duelu Ajntrahta i Hofenhajma (2:2), a u centru pažnje bio je Endika koji je prvo postigao autogol za vođstvo Hofenhajma, a onda i gol za izjednačenje, na asistecniju Filipa Kostića. Endika je asistirao Kamari za preokret 2:1, ali je bod gostima donio Riter.

U ostala dva meča Bajer iz Leverkuzena ubjedljivo je slavio u gostima protiv Grojter Firta 4:1, dok je Keln na svom terenu bio bolji od Arminije 3:1.

Rezultati – petak: Volfsburg – Majnc 5:0 (5:0) /Vind 8, 42, Kruze 24p, 35, 45+2/, subota: Lajpcig – Union Berlin 1:2 (0:0) /Poulsen 46 – Mičel 86, Berens 89/, Ajntraht Frankfurt – Hofenhajm 2:2 (1:1) /Endika 32, Kamada 66 – Endika 12ag, Ruter 78/, Frajburg – Borusija Menhengladbah 3:3 (0:2) /Grifo 49p, Ginter 61, Lajnhart 80 – Bensebaini 3p, Embolo 13, Štindl 90+3/, Keln – Arminija Bilefeld 3:1 (2:1) /Ut 3, Modeste 43, Tilman 86 – Hubers 33ag/, Grojter Firt – Bajer Leverkuzen 1:4 (1:2) /Viljems 5 – Šik 8, Azmun 18, Paulinjo 58, Palasios 84/, od 18.30; Bajern Minhen – Borusija Dortmund, nedjelja od 15.30: Bohum – Augsburg, 17.30: Herta – Štutgart.