Sjeverna Makedonija: Produžili zabranu izvoza žitarica, brašna i ulja

Vlada Sjeverne Makedonije produžila je za jedan mjesec, do 15. maja, zabranu izvoza pojedinih žitarica, brašna, suncokreta i suncokretovog ulja.

Kako je objavio ministar ekonomije Sjeverne Makedonije Krečnik Bekteši, Vlada je odlučila i da od 31. maja ukine carinu na uvoz jestivog suncokretovog ulja kao dodatni podsticaj za održavanje ponude na domaćem tržištu.

Prema njegovim riječima, cilj produžavanja zabrane izvoza tih životnih manirnica i ukidanje carine na uvoz suncokretovog ulja je da se održi postojeće stanje na makedonskom tržištu i spriječi mogući ozbiljni poremećaj do nove žetve, kao i rast cijena.

„Svrha ovih mjera je zaštita domaćeg tržišta i građana u vrijeme krize, kako bi se izbeglo špekulativno djelovanje trgovaca i proizvo]ača i zaštitila domaća proizvodnja, domaće tržište i gra]ani“, istakao je Bekteši.

Zabrana izvoza pšenice i ječma, kukuruza, pšeničnog i ječmenog brašna, suncokretovog sjemena i ulja od suncokreta iz Sjeverne Makedonije uvedena je 11. marta.