Šinavatrina ćerka izabrana za premijerku Tajlanda

Tajlandski parlament izabrao je Paetongtarn Šinavatru, kćerku milijardera tajkuna i bivšeg lidera Taksina Šinavatre, za premijerku, prenosi BBC.

Sa 37 godina, ona će biti najmlađa premijerka u zemlji i druga žena na toj funkciji, poslije svoje tetke Jingluk. Njen izbor dolazi samo dva dana nakon što je bivši premijer Sreta Tavisin razriješen od strane ustavnog suda. Oboje su iz stranke Peu Tai, koja je zauzela drugo mjesto na izborima 2023. godine, ali je formirala vladajuću koaliciju.

Paetongtarn je četvrta članica klana Šinavatra koja je postala premijer u posljednje dvije decenije.

Taksin i Jingluk, svrgnuti su vojnim udarima ili odlukama ustavnog suda.

Taksin Šinavatra posjeduje crnogorski pasoš.

BBC navodi da su okolnosti imenovanja Paetongtarn Šninavatre oštar podsjetnik koliko je ograničena moć izabranih vlada na Tajlandu.

U četvrtak je Paetongtarn rekla da se divi radu Srete Tavisina i da misli da je njegova smjena bila nesrećna.

„Okupili smo se danas ovdje da pokažemo ljudima da smo odlučni, vođeni i spremni da guramo zemlju naprijed“, rekla je ona novinarima u četvrtak u centrali svoje stranke, gdje je predložena kao kandidatkinja za premijeku.

Obrazovana u elitnim školama na Tajlandu i na univerzitetu u Velikoj Britaniji, provela je nekoliko godina radeći u hotelskoj grupi Rende porodice Šinavatra, gdje je njen muž zamjenik glavnog direktora za investicije.

Pridružila se partiji Peu Tai 2021. i imenovana je za liderku stranke u oktobru 2023.