Salah: Uprava me razočarala, bliži sam odlasku iz Liverpula

Mohamed Salah blista ove sezone u dresu Liverpula. Sa dva gola bio je najzaslužniji za pobjedu svog tima protiv Sautemptona 3:2, sa kojom su Redsi otišli na plus osam na vrhu tabele Premijer lige.

Međutim, nije baš sve onako kako bi Salah želio da bude. Sjajni Egipćanin je razočaran trenutnim stanjem u klubu.

Približava se decembar, a klub nije ni započeo početne pregovore za nastavak saradnje. Ugovor mu ističe na kraju sezone i trenutno je bliže odlasku nego ostanku na Enfildu, kako sam kaže.

„Skoro je decembar, a još uvijek nisam dobio nikakvu ponudu da ostanem u klubu. Trenutno sam bliže odlasku nego ostanku. U klubu sam godinama. Nema drugog ovakvog kluba. Ali na kraju dana ništa nije u mojim rukama. Volim navijače, i oni mene vole, ali na kraju ne odlučujem ni ja ni navijači“, rekao je Salah.

Upitan da li je razočaran rukovodstvom kluba, popularni Mo je bio jasan.

„Normalno. Ne idem u penziju uskoro, pa samo treniram i igram. Fokusiran sam na sezonu, želimo da osvojimo Premijer ligu i nadam se Ligu šampiona. Razočaran sam, ali vidjećemo šta će biti.“

Jedan klik te dijeli od najboljeg bonusa dobrodošlice. Registruj se na meridianbet.me i preuzmi 100 freebet-ova + 100% bonusa na prvi depozit!

(sk)