Šako Polumenta: Pune arene na osnovu mojih hitova, uzimaju novac za koji sam se ja namučio

Pjevač Šako Polumenta našao se na otvaranju jedne kafane u Beogradu, te su ga prisutni mediji pitali da kaže svoj trenutni stav o estradi.

Naime, on se najprije osvrnuo na svoju dugogodišnju karijeru pa prokomentarisao da danas svako može da napravi koncert u Areni, ali da to nisu pravi koncerti već zabavni šou.

“Početkom nove godine ću raditi na tome da izdam album, vrijedno radim na tome. Kad već ovako dobro ide moja karijera, fokusirao sam se na koncerte, već sam počeo da radim trgove… Vidite šta danas rade, prave solističke koncerte, arene i neke druge prostorije na osnovu mojih pjesama. Uzimaju novac za koji sam se ja namučio i te kako. Neshvatljivo je da mogu da se prave solistički koncerti, a ljude snime jedan ili dva albuma, a od toga su jedna, dvije ili tri pjesme samo hitovi. To je nepravda. A ja iza sebe imam 11 albuma i mnogo hitova i treba sad da gledam nekoga, to je baš ružno”, rekao je Polumenta za Alo! i otkrio zašto on do sada nije održao koncert u Areni.

“Treba da budeš umrežen u tim ljudi. Gledam koncerte koje se održavaju u Areni. To nisu solistički koncerti, to je nešto drugo, to je zabava. Zabava Beograda, milion pjevača dođe. Pozdravljam pojedine pjevače koji to zaslužuje. Ne bih da imenujem sada, ni oni mene ne podržavaju. Možda me zapravo i podržavaju, ali to ne govore javno, pa neću ni ja”, istakao je Šako i otkrio da li on na svojim nastupima pjeva pjesme svojih kolega.

“Zadnje četiri godine pjevam samo svoje. Od 140 mojih pjesama zašto bih pjevao tuđe? Ponekad, ako me baš nešto dodirne ili ako odgovara atmosferi, ali uglavnom pjevam samo svoje”, izjavio je Šako Polumenta za prisutne medije.