Raspucali se Lukaku i Azar: Moćna Belgija može mnogo

BELGIJA – TUNIS 5:2 (3:1)
(Azar 6pen, 51, Lukaku 16, 45+4, Batšuaji 90+1 – Bron 18, Hazri 90+3)

Eden Azar je skinuo kletvu zvanu Svjetsko prvenstvo! Na prvih 11 utakmica na Mundijalima nijednom nije tresao mrežu protivnika, a sada je iz ukupno tri šuta dva puta pogodio! Njegova dva pogotka, dva nova gola nezaustavljivog Romelua Lukakua, kao i prvijenac Mišija Bačuaija, bili su pogubni po neubjeljivi Tunis, koji može da započne pakovanje za povratak kući, a selekcija Roberta Martineza da kuje ozbiljne planove za samu završnicu Mundijala – 5:2 (3:1).
Beligja sa ovakvim Azarom i Lukakuom, ovako tečnom igrom i samopouzdanjem, ali i snažnim alternativama na klupi, može svakome na crtu, a pravu provjeru trenutnog kvaliteta imaće u trećem kolu protiv Engleske, iako će španski strateg najverovatnije odmarati značajan broj igrača iz prve postave.