Radnička partija: I pored Medenicinog odlaska u Spuž njen uticaj u pravosuđu je i dalje prisutan

Bivša predsjednica Vrhovog suda Vesna Medenica je u pritvoru, ali njen uticaj se i dalje jasno osjeća u Sudskom sitemu, kažu iz Radničke partije, na čijem je čelu Maksim Vučinić.

-Pitanje je do kada? Pitamo se gdje je država vladavine prava u svemu ovome? Oni za koje svi znamo da pouzdano imaju milione nelegalno stečenim radnjama, uglavnom na štetu naroda, šetaju gradom kao ugledni građani. Njihovo porijeklo imovine se ne ispituje. Pravda za nevine, pitanje je da li će biti mjesta u Spužu za sve one koji to mjesto odavno zaslužuju, ako ikada bude države vladavine prava- navode iz ove partije.

Podsjetili su da je tokom jučerašnjeg dana Milanu Kneževiću potvrđeno četiri mjeseca kućnog pritvora.

– Još jedan dokaz u nizu da je crnogorski sudski sistem mjesto gđe i dalje kolo vode puleni nekadašnje predsjednice Vrhovovnog suda nedavno uhapšene Vesne Medenice. Postavlja se pitanje kako je moguće da sud kao jedna ozbiljna institucija dozvoli da se u Dnevniku objavljuje usmena presuda koja još uvijek nije bila napisana Milanu Kneževiću? Nažalost, zahvaljujući URA, DPA se vratio na vlast, ista ona partija koju svi znamo da je od države napravila leglo korupcije i krimimala, gdje su na bitna mjesta u pravosuđu dovođeni ljudi, koji su morali da pokrivaju nelegalne radnje čelinika ove partije- zaključuju u saopštenju.