Predsjednik Crne Gore Jakov Milatović boraviće dana i sjutra, 30. i 31. oktobra, u zvaničnoj posjeti Bosni i Hercegovini.
Milatović će biti dočekan u Sarajevu uz najviše državne i vojne počasti, nakon čega će uslijediti sastanak sa članovima Predsjedništva BiH Denisa Bećirovića, Željke Cvijanović i Željka Komšića, a zatim i bilateralni sastanak delegacija dvije države.
U okviru posjete Bosni i Hercegovini, predsjednik Milatović sastaće se sa članovima kolegijuma oba doma Parlamentarne skupštine BiH Draganom Čovićem i Nebojšom Radmanovićem i sa predsjedavajućom Savjeta ministara BiH Borjanom Krišto.
Predstojeća zvanična posjeta Bosni i Hercegovini treća je po redu posjeta predsjednika Milatovića regionu, nakon Srbije i Hrvatske, i nastavak posvećenosti predsjednika Crne Gore dobrosusjedskoj saradnji kao ključnom preduslovu na putu ka punopravnom članstvu države u Evropskoj uniji do 2028. godine.
Kako navode u saopštenju iz Kabineta predsjednika, teme razgovora biće jačanje političke i ekonomske saradnje dvije države i njihova zajednička evropska perspektiva, a poseban fokus je stavljen na održavanje poslovnog foruma privrednika dvije zemlje, koji će otvoriti predsjednik Milatović i predsjedavajući Predsjedništva BiH Bećirović.