Na grčkom ostvru Evija izbio novi požar

Novi šumski požar izbio je danas na grčkom ostrvu Evija, južno od dijela na kom je prošlonedjeljni veliki požar uništio šumu i imanja i primakao se naseljenim mjestima zbog čega je više stotina ljudi evakuisano.

Poslata su četiri aviona za gašenje požara i šest helikoptera kako bi lokalizovali novi požar. Na terenu su i 23 vatrogasca i 10 vatrogasnih kamiona.

Šumski požari u Grčkoj su česta pojava tokom ljetnjih mjeseci, ali ove godine je istovremeno širom zemlje buknulo više od 100 požara usljed dugog i intenzivnog toplotnog talasa. Ostrvo Evija je najteže pogođeno.

Premijer Grčke Kirijakos Micotakis je požare opisao kao najveću ekološku katastrofu u Grčkoj u posljednjih nekoliko decenija.