Moćni Juventus: Ronaldo-Atletiko 3:0

Fino alla fine” ili u prevodu “Sve do kraja” je Juventusov najpoznatiji slogan.

Večeras se vidjelo i zašto. Zašto ih nikada ne smijete otpisati. Zašto su spremni da uvijek igraju do kraja. Da uvijek guraju do besvijesti. Da nikada nema umiranja, niti odustajanja. To je DNK tog kluba. Zato su najveći.

A kada im u sve to ugradite i nadčovjeka kakav je Kristijano Ronaldo, onda dobijete neuništiv tim kojem ni 0:2 protiv Simeoneove garde nije problem. U još jednom preokretu za pamćenje koji nam je ponudila Liga šampiona, Juventus je sa tri gola Kristijana Ronalda preokrenuo poraz iz Madrida, raznio Ateltiko 3:0 i učinio ga nemoćnim.

Prepičavaće se još jedna antologijska partija Kristijana Ronalda, njegovi fatalni ubodu u mrežu Jana Oblaka, ali Portugalac je samo uradio ono za šta je doveden i što je obećao. Isporučio je moć. Kao prije nešto manje od godinu dana kada je na istom stadionu dresu Reala pravio čuda, večeras je bio saveznik Juventusovih navijača.