Ministar predložio da se sruši OŠ „Vladislav Ribnikar“, na tom mjestu napraviti spomen park

Srpski ministar privredeRade Basta je predložio da se sruši beogradska osnovna škola u kojoj je prošle sedmice počinjen masakr. Podsjetimo, prošle srijede je 13-godišnji dječak u Osnovnoj školi „Vladislav Ribnikar“ ubio osmoro djece i čuvara.

– Pozivam na jedinstvo vlasti i opozicije da se na mjestu škole napravi spomen-park za nastradalu djecu kako bi ostalo vječno sjećanje na njih. Da se sadašnja škola sruši, a da se nova škola napravi negdje u okolini, napisao je Basta na Instagramu, prenose mediji.

Basta je takođe uz navedeni prijedlog objavio i vijest RTS-a u kojoj članica Savjeta roditelja Milena Vasić govori kako se djeca žele vratiti u školu, ali ne na tom mjestu.