Neobičan prizor stiže danas sa Bjelasice – na društvenim mrežama pojavio se snimak na kojem se, kako se tvrdi, vide snježne pahulje na području Zekove Glave, jednog od najviših vrhova ove planine.
Prema objavi, snijeg je padao 24. jula, usred ljeta, što je iznenadilo mnoge korisnike društvenih mreža koji su podijelili snimak uz komentare o nesvakidašnjoj promjeni vremena.
Bjelasica je poznata po naglim vremenskim promjenama, posebno na višim nadmorskim visinama, gdje i tokom ljeta temperatura može značajno pasti.
Zekova Glava nalazi se na oko 2.117 metara nadmorske visine, pa ovakve pojave, iako rijetke u julu, nijesu potpuno nezamislive na planinskim vrhovima.
