Brazilsko popodne u Premijer ligi: Poker Gabrijela Žezusa

Brazilski fudbaleri imali su glavne uloge u popodnevnim mečevima Premijer lige. Napadač Mančester Sitija, Gabrijel Žezus postigao je četiri pogotka u „petardi“ nad Votfordom (5:1), kojom su „građani“ stekli četiri boda prednost u odnosu na drugoplasirani Liverpul, kojeg u nedjelju čeka gradski derbi sa Evertonom.

Sve je počelo već u 4. minutu kada je Žezus po prvi put kaznio, praktično novog člana Čempionšipa. Na 2:0 je povisio u 25. minutu, a na 2:1 je smanjio Kamara samo tri minuta kasnije. Za 3:1 na poluvremenu postarao se Rodri u 34. minutu, ali Siti nije stao. U drugom poluvremenu je Žezus postigao još dva gola.

Brazilci su se pitali sve i u duelu Njukasla i Noriča (3:0). Žoelinton je u 100. nastupu u Premijer ligi postigao dva gola. Upisao se i Gimaraeš.

Golova nije bilo u duelu Lestera i Aston Vile.

Rezultati: Arsenal – Man. Junajted 3:1 (2:1) /Tavareš 3, Saka 32p, Džaka 70 – Ronaldo 34/, Lester – Aston Vila 0:0, Njukasl – Norič 3:0 /Žoelinton 35, 41, Gimaraeš 49/, Man. Siti – Votford 5:1 (3:1) /Žezus 3, 25, 49p, 53, Rodri 35 – Kamara 28/, od 18:30: Brentford – Totenhem; nedjelja od 15: Brajton – Sautempton, Barnli – Vulverhempton, Čelsi – Vest Hem, 17.30: Liverpul – Everton.