Ataman zaboravio svoje grijehe: Uvrede navijača Zvezde su sramotne za sport i Evroligu

Košarkaši Crvene zvezde savladali su sinoć Anadolu Efes u Beogradu 94:75 u 27. kolu Evrolige

Tokom cijelog meča na udaru navijača domaćih bio je trener turskog tima Ergin Ataman. On je bio i u klinču sa sa sudijama.

Zbog toga je isključen pa nije bio na konferenciji za medije poslije utakmice, ali je uoči meča sa Makabijem govorio i o navijačima Zvezde.

„Utakmica protiv Makabija je naša najvažnija utakmica u borbi za plej-of. Uprkos izostancima bitnih košarkaša, sigurno ćemo pobijediti uz atmosferu i motivaciju koju stvaraju naši navijači. Još jednom sam shvatio ljepotu naših navijača koji uvijek odražavaju fer-plej duh koji uljepšava sport. Uvrede koje su mi svi navijači Crvene zvezde upućivali tokom cijele utakmice u Beogradu bile su sramotne za sport i organizaciju Evrolige”, kazao je Ataman.

Inače, Ataman odavno ima loš odnos sa navijačima beogradskog kluba. Odnosno, nakon što je dao neprimjeren komentar nakon ubistva navijača Crvene zvezde, Marka Ivkovića od strane huligana Galatasaraja u period kad je Ataman vodio Galatu .