Ajntraht „prevarom“ uspio da zadrži Kostića: Laciju namjerno poslali lažnu mejl adresu?
Lacio ga je jurio cijelo ljeto, ali je Klaudio Lotito po običaju čekao sa namjerom da Ajntraht gurne u cajtnot i spusti cijenu koliko je moguće. Ispostavilo se da je ovog puta – predugo čekao. I kad je konačno mislio da je završio posao saznao je na teži način da i Njemci umeju da igraju prljavo. Naime, kako piše Đanluka di Marcio, možda i najupućeniji novinar kad su transferi u pitanju, sve je propalo zato što je Ajntraht namjerno u Rim poslao lažnu mejl adresu?!
Donekle je i Lacio sam kriv, jer je sve vrijeme pokušavao da sačuva koji milion, pa je tako tek četiri dana prije kraja prelaznog roka poslao u Frankfurt ponudu od 10.000.000 evra, plus 2.000.000 u bonusima.
Ajntraht je međutim ovdje posegao za lukavstvom, pošto je Lacijalima, tvrdi Di Marcio, namjerno poslao pogrešnu mejl adresu kada je vidio kako je sezona loša počela. I onda se branio tvrdnjom da ponudu nije ni dobio.
Prevaru je otkrio menadžer Fali Ramadani kada je Kostiću poslao fotografiju ponude Italijana. Tek tada je Kostić pobijesnio i odbio da igra protiv Arminije iz Bilefelda. Njemci su do sada tvrdili da ga trener Oliver Glasner namjerno nije stavio u tim zato što je dan ranije odbio da trenira.
Kostićev ugovor sa Ajntrahtom ističe tek za dvije godine.
(Mozzartsport)