Novosti: Balijagić lociran, jake policijske snage krenule ka selu Orahovica?

Dvostruki ubica Alija Balijagić, za kojim traga crnogorska policija punih šest dana, lociran je u selu Orahovica u opštini Bijelo Polje, nezvanično saznaju „Novosti“.

Prema dojavi, po svemu sudeći, on je tamo viđen, a velike snage policije uputile su se na to mjesto.

Podsjetimo, Viši sud u Bijelom Polju izdao je naredbu za raspisivanje potjernice za Alijom Balijagićem, koji je u petak oko 21 sat u Sokolcu kod Tomaševa u opštini Bijelo Polje likvidirao brata i sestru Madžgalje.

Nakon ubistva, u cijelom kraju je zavladala zebnja, a mještani traže ostavke funkcionera policije.

Ministar unutrašnjih poslova Crne Gore Danilo Šaranović istakao je da je MUP u konstantnoj komunikaciji sa policijom Bosne i Hercegovine i Srbije.

(Novosti)