Junak Atletika: U penalima morate da imate i sreće

Atletiko Madrid je u četvrtfinalu Lige šampiona poslije sjajnog dvomeča protiv Intera kojeg je eliminisao na penale.

Jedan od junaka “kolćonerosa” je bio golman Jan Oblak, koji je u penal seriji odbranio dva šuta igračima Intera – prvo Aleksisu Sančesu, onda i Dejviju Klasenu.

Inter je u Milanu slavio 1:0, sinoć je u Madridu nakon 120 minuta bilo 2:1 za domaćina.

“Uvijek kažem da u penalima morate da imate i malo sreće. Morate da odaberete pravu stranu, ali i tad je teško golmanima ako protivnik savršeno šutira. Nadam se da nećemo stati u četvrtfinalu”, rekao je Slovenac.

Inter je doživio prvi neuspjeh u 2024.

“Inter je bio sjajan. Prošle godine je igrao finale u kojem je zaslužio više. Ove dominira, a mi smo u revanšu dali sve na terenu. Ostavili smo dušu”, dodao je Oblak.