Grenel: Kurti je ignorisao sve zahtjeve

Bivši izaslanik SAD za dijalog Beograda i Prištine Ričard Grenel  prokomentarisao je posjetu američkih senatora Din Šahin i Pitera Velča Prištini, gdje su se juče sastali sa predsjednicom privremenih prištinskih institucija Vjosom Osmani i Kurtijem, izražavajući nadu da su senatori iznijeli primjedbe i zahtjeve Zapada Kurtiju, prenosi Tanjug.

„Gdje možemo pronaći transkript primjedbi dvoje senatora dok su razgovarali sa Aljbinom Kurtijem. Moramo da budemo jasni o tome ko je Kurti. On je čovjek od koga su EU, NATO i obije strane u Americi zatražile da se održe izbori na sjeveru, pokrene Zajednica srpskih opština i odustane od jednostranih akcija. On je sve ignorisao. I stalno se izvlači. Nadam se da su senatori iznijeli ove važne tačke dok su stajali pored njega“, napisao je Grenel na svom profilu na mreži „Iks“.

Sastanku senatora, Osmanijeve i Kurtija prisustvovao je i američki ambasador u Prištini – Džefri Hovenijer.