Australian open trajaće dan duže

Organizatori prvog teniskog Grend slema u sezoni, Australian opena odlučili su da turnir od sljedeće godine traje 15, umjesto dosadašnjih 14 dana.

“Poslušali smo mišljenja igrača i publike i uzbuđeni smo što smo donijeli rješenje kojim će se smanjiti broj jako kasnih završnica mečeva, dok se zadržava fer i ujednačen raspored na svim terenima”, rekao je direktor turnira Kreg Tajli.

Razlog za ovu promjenu je da se smanji broj mečeva koji će se završavati kasno uveče.

Australian open će se igrati od 14. do 28. januara.

Titule će braniti Arina Sabalenka i Novak Đoković.