Kapusta ovjerio indeks: Hrvatski plej novo pojačanje SC Derbija

Borna Kapusta je novi član SC Derbija.

Hrvatski plej (27 godina) visok 182 cm dolazi iz redova Cibone.

„Ima neka tajna veza između hrvatskih košarkaša i SC Derbija, pa tako nakon braće Ivišić, Tišme, Drežnjaka i Kapusta dolazi u Podgoricu. Rođen u Koprivnici (70 km od Zagreba), Kapusta je dugo vremna bio „najbolje čuvana hrvatska tajna“, a svoj debi u ABA ligi je imao prošle sezone. Prethodno je dvije sezone zaredom bio najbolji asistent hrvatske lige u dresu Gorice. Upravo je orkestriranje napada i pronalazak svojih saigrača i obilježilo Kaupstinu premijernu sezonu u ABA ligi. Prošle godine bio je drugi asistent lige sa 6,6 asistencija po meču (treći, ako računamo učinak Fetsa Rasela). Sa 11,2 poena po meču, hrvatski košarkaš je bio i drugi strijelac Vukova u ABA ligi. Prošle godine dobio je i MVP titulu hrvatskog nacionalnog kupa. Borna Kapusta dobrodošao među Studente!“, naveli su iz SC Derbija.