„Šumari” i „fenjeraši” šokirali Siti i Čelsi: Evertonu i Bornmutu derbiji začelja
U Engleskoj je u udarnom subotnjem terminu odigrano šest utakmica 24. kola Premijer lige i dogodilo se nekoliko velikih iznenađenja. Pobjede su zabilježili Sautempton, Fulam, Everton i Bornmut.
Šampion Mančester Siti gostovao je na Siti Graundu gdje je igrao samo neriješeno 1:1 protiv domaćeg Notingem Foresta.
Poveli su „građani” u 41. minutu, gol je postigao Portugalac Bernardo Silva nakon fantastičnog udarca sa ivice šenaesterca. U 67. minutu obrukao se prvi strijelac lige Norvežanin Erling Haland, prvo je pogodio prečku, a kad mu se lopta vratila sa samo pet metara poslao je nebu pod oblake. I kako to obično biva, kazna je uslijedila u 84. minutu, strijelac je bio Kris Vud samo nekoliko minuta pošto je ušao u igru.
Nakon ovog remija ekipa Pepa Gvardiole nije uspjela da se vrati na čelo tabele. Zaostaje dva boda za vodećim Arsenalom i ima utakmicu više odigranu.
Veliko iznenađenje desilo se na „Stamford Bridžu”. Gostovao je poslednjeplasirani Sautempton i slavio sjajnim pogotkom kapitena Džejmsa Vorda-Prauza iz slobodnog udarca u posledjnim trenucma prvog poluvremena. Čelsi je napadao u drugom poluvremenu, veliku priliku imao je Rahim Sterling, ali je na gol liniji reagovao Francuz Pero i spriječio pogodak. U 75. minutu fudbaler gostiju Seku Mara pokušao je da šutira „makazicama“ i bukvalno je nokautirao Sesara Aspilikuetu.
U duelu dva najprijatnija iznenađenja, Fulam je gostovao Brajtonu bez povrijeđenog golgetera Aleksandra Mitrovića i uspio da ostvari veliki trijumf golom rezervnog igrača, Izraelca Manora Solomona u 88. minutu. Saša Lukić nije ulazio u igru.
— Ricardo Kaka (@rikardons) February 18, 2023
Everton je u derbiju začelja savladao na „Gudison Parku” ekipu Lidsa neobičnim pogotkom kapitena Šejmusa Kolmana tako što je poslao loptu u bliži ugao i iznenadio golmana gostiju Melijea.
🎶 60 grand, 60 grand, Seamus Coleman 🎶
UP THE TOFFEES! ✊🔵pic.twitter.com/mZirP00Ylm
— Dan (@GrandOldTeamDan) February 18, 2023
U još jednom derbiju začelja Bornmut je slavio u gostima protiv Vulvsa. Strijelac je na startu drugog poluvremena bio Markus Tavernije.
U londonskom obračunu između Brentforda i Kristala Palasa nije bilo pobjednika. Poveli su gosti golom Eberečija Ezea udarcem glavom nakon centaršuta Mišela Olisea, a izjednačio je Vitali Janelt u šestom minutu sudijske nadoknade vremena.
U prvoj utakmici subotnjeg programa Arsenal je nakon velikog preokreta pobijedio kao gost Aston Vilu sa 4:2.
Subotnji program završava se derbijem na „Sent Džejms Parku” gdje se sastaju domaći Njukasl i Liverpul od 18.30 sati.
