Osmostruki Ol-star NBA lige karijeru nastavlja na Tajvanu!

Poslije 18 sezona u NBA, Dvajt Haurad se seli na Tajvan. Nastupaće za člana tamošnje elitne divizije Taojuan Leopardse.

„Jedva čekam da vidim navijače, probam tamošnju kuhinju, vrhunski se provedem i osvojim titulu”, napisao je 36-godišnji centar na društvenim mrežama.

Poslije bejzbola, košarka je najpopularniji sport na Tajvanu. Elitna T1 liga osnovana je u maju prošle godine sa šest timova, a budući Hauardov osvojio je peto mjesto sa učinkom 8-22 u premijernoj sezoni.

Hauarda je 2004. godine Orlando Medžik izabrao kao prvog pika na NBA draftu. Proveo je osam godina na Floridi, potom igrao za Lejkerse, Hjuston, Atlantu, Šarlot i Vašington, da bi u drugom mandatu kao košarkaš tima iz Los Anđelesa osvojio i šampionski prsten.

Proveo je potom sezonu u Filadelfiji, da bi se još jednom vratio u Stejlps centar, gdje je minule takmičarske godine bilježio 6,2 poena i 5,9 skokova po nastupu.

Osam puta je bio na Ol star utakmicama, pet puta član prve petorke, a tri puta i Defanzivac godine u NBA. Najbolji skakač lige bio je u čak pet sezona, a dva puta i prvi bloker.

(mozzart sport)