Milanović: Rusija ne smije izgubiti rat

Predsjednik Hrvatske Zoran Milanović danas je održao predavanje studentima Ekonomskog fakulteta u Splitu. Jedan od studenata pitao je Milanovića kako će prema njegovom mišljenju završiti rat u Ukrajini.

– Rusija rat ne smije izgubiti, ona to ne smije priuštiti, ima ogromnu energiju i resurse da dobije rat protiv skoro svakoga i tu su kao nuklearna sila. Jedini način koji ja vidim da bi mogao dovesti do prestanka ove agresije na Ukrajinu je da se promijeni vlast u Rusiji. A kroz istoriju imamo neko iskustvo kako to izgleda kad se u Moskvi promijeni vlast, sve od uslova globalne krize do toga da se pola svijeta oporavlja od toga sledećih 50 godina. To vjerovatno ne bi bili nekakvi razdragani momci i djevojke na šarenim biciklima koji su za bratstvo i jednakost- rekao je Milanović prenosi Index.hr.

Dodao je da Putina nije upoznao te da ga je dvaput izbjegao.

-Kako će završiti rat? Dakle Rusija rat mora dobiti, iz sopstvene vizure oni ga moraju dobiti. Jedini način da ga ne dobiju je da se promijeni vlast, a to se neće dogoditi bez dogovora SAD-a, Velike Britanije i Rusije. Bez njih nema dogovora- rekao je Milanović.

(Index.hr)