Gruneveld u foto finišu slavio na trećoj etapi, Van Ert lider Tura

U foto-finišu u kojem su učestvovala četvorica biciklista, pobjedu u trećoj etapi „Tur d’Fransa“ odnio je Holanđanin Dilan Gruneveld.

Biciklista tima Bajkeksčejndž Džejko je ostvario vrijeme od 4 sata, 11 minuta i 33 sekunde, a u sprintu je iza sebe ostavio Belgijanca Vauta van Erta iz Jumbo Visme. Na postolje se popeo i Van Ertov sunarodnik Jasper Filipsen iz Alpesina.

Među prvih deset našli su se još i Sagan, Jakobsen, Laport, Daineze, Hofšteter, Juan i Van Popel.

U generalnom plasmanu vodi Van Ert, sa 9.1,7 sati. Iza njega su Lampert i prošlogodišnji pobjednik Tadej Pogačar iz Slovenije, koji je bio 26. u trećoj etapi dugoj 182 kilometra po ravnom terenu od Vejlea do Senderborga.

Tur se nastavlja u utorak u Belgiji.