Nepromišljenost, nepažnja ili namjera? Ukrajinska vojska suočava se sa skandalom svog pukovnika Valentina Manka, koji je na TikToku objavio seriju fotografija sebe i svog psa, ali i tajnih mapa i satelitskih snimaka s pozicijama ukrajinske vojske i izviđačkih dronova, prenosi Klix.ba.
Подивився відеодоповідь про обстановку на фронті від полковника Манька.
Не можу усвідомити, що цю людину розглядають як кандидата на посаду командувача штурмових військ.
Боюся, що ГК сприймає ситуацію, описану в цій доповіді, як реальну. pic.twitter.com/uqIVPpK9NK— Serhii Filimonov (@DzevelinB) October 26, 2025
Na mapama označenim kao “tajne” jasno su ucrtane ukrajinske frontne pozicije. Svako može vidjeti gdje se tačno u šumama skrivaju ukrajinske jedinice. Druge mape pokazuju ne samo gdje su ukrajinske snage koncentrisane, nego i kolika im je jačina, piše njemački list Bild.
U nekim slučajevima može se vidjeti koje tačno sela drže ukrajinske, a koje ruske snage.
Neke od mapa prikazanih na fotografijama sadrže ručno pisane ili štampane bilješke i procjene ukrajinske komande o stanju na pojedinim djelovima fronta.
Još gore, fotografije otkrivaju i korićene programe i komunikacione aplikacije, kao i pojedina korisnička imena ukrajinskih jedinica koje međusobno razmjenjuju i analiziraju osjetljive informacije.
Vrh ukrajinske vojske nije se oglašavao o ovom skandalu, dok su ukrajinski mediji, koji zbog ratnog stanja mogu vojsku kritkovati samo vrlo oprezno, slučaj opisali kao “izuzetno opasnu aferu”.
Blogeri i aktivisti na društvenim mrežama oštro su reagovali.
“Zavisnost o TikToku među službenicima koji imaju pristup državnim tajnama je čisto ludilo”, naveli su aktivisti grupe InformNapalm na mreži X. Prema njihovim riječima, ruski analitičari “mogu zadovoljno aplaudirati i slaviti”.
(CDM)
