Šampion spustio gas: Brajton ovjerio Evropu

Brajton i Mančester Siti podijelili su bodove na ravne časti u odloženom meču 32. kola Premijer lige – 1:1.

Na kraju su bili zadovoljni i jedni i drugi. Brajton je ovjerio plasman u Ligu Evrope, a Siti koji je minulog vijkenda proslavio titulu u skoro najjačem sastavu imao dobru provjeru za finiš sezone i dva finala protiv Mančester Junajteda u FA kupu i Intera u Ligi šampiona.

Mančester Siti je poveo u 25. minutu preko Fila Fodena, da bi 13. minuta kasnije Ensiso zatresao mrežu šampiona i postavio konačan rezultat.