“Ostavka Haradinaja partijska kalkulacija”

0

Predsjednik Demokratske partije Kosova (DPK) Kadri Veselji rekao je da ostavka Ramuša Haradinaja na mjestu premijera bila “partijska kalkulacija”, da nije neočekivana, ali da on o tome nije bio konsultovan.

Na konstitutivnom sastanku Upravnog odbora DPK Veselji je u ponedjeljak uveče rekao da Haradinajeva ostavka nije bez stranačke kalkulacije.

“Premijer je podnio ostavku. Ostavka je podnijeta bez konsultacija, ali nije ni neočekivana. To je bila ad hok odluka i neočekivana za druge, ali ne neočekivana i bez partijskih kalkulacija od strane sada već odlazečeg premijera”, kazao je Veselji, prenosi Beta.

On je rekao da je DPK spremna za izbore, da će postupiti kao i uvijek do sada i da će biti siguran pobjednik vanrednih izbora za poslanike Skupštinu Kosova.

Pored toga, Veselji je u izjavi za RTK zatražio da se Skupština glasovima poslanika sama raspusti, kako bi se što prije išlo na izbore i najavio da će on preduzeti inicijativu da se to što prije dogodi.

Ostavite Komentar

Your email address will not be published.