Real Madrid je slavio na startu Primere, ali daleko od toga da je oduževio. Osasunu je savladao 1:0 i to tek zahvaljujući gol iz penala.
A, siguran sa bijele tačke bio je Kilijan Mbape. Bio je to njegov prvi gol za Real od kada je promijenio broj na dresu, pa sada nosi desetku.
“Znamo da je da je to važan broj u Madridu. I broj devet je bio. Uživam, ali najvažnije je igrati ovdje za Real Madrid, ostalo će biti u redu”, rekao je Mbape.
O meču kaže.
“Prva je utakmica sezone, bilo je važno da krenemo pobjedom kod kuće. Znali smo da će biti teško. Plan Osasune je bio jasan, da nas čekaju i napadaju iz kontre”.
Što je tražio Ćabi Alonso od vas?
“Htio je da imamo puno kontrolе, da igramo s jedne na drugu stranu, da natjeramo protivnika da trči. Cijele sedmice smo to radili i dobro smo odigrali. Možemo da budemo bolji, ovo je tek prva utakmica. Ali je pozitivno, nastavićemo da napredujemo”, zaključio je Mbape.
(Cdm)
