Maksvel o sukobu u svlačionici Hjustona: Htio sam da izbodem Olajdžuvona

0

Vernon Maksvel, nekadašnji igrač Hjuston Rokitsa sa kojima je bio šampion 1994. godine, ispričao je zanimljiv detalj iz svoje karijere, koji je mogao da bude koban za Hakima Olajdžuvona, prvu zvijezdu tima iz Teksasa.

Med Maks, kako su ga zvali, gostovao je u podkastu bivše NBA zvijezde Gilberta Arinasa i pričao o svojim igračkim danima. Rekao je da je Olajdžuvon bio divna osoba i fantastičan saigrač kada je postao musliman, ali da je prije toga bio težak. Ispričao je anegdotu koja je mogla tragično da se završi da nije intervenisala policija u svlačionici.

Gostovali smo u Sijetlu i igrali očajno u prvom poluvremenu. Tamo je dugačak hodnik do svlačionice, a ja sam na putu do nje kukao kako mi niko ne dodaje loptu, pljuvao po podu i ljutio se, a Hakim je išao iza mene. U svlačionici sam nastavio da pričam da mi moraju dodavati, a Hakim mi je rekao da prestanem i da budem profesionalac. Rekao sam mu da ne želim to da slušam i da mi doda loptu. Ustao je, i opalio mi šamarčinu. A gad ima tako tešku i tvrdu ruku da bi mogao da reže meso sa njom. Srušio me sa stolice, a ja sam uzeo stolicu, bacio je prema njemu i razbio staklo. Svi su se razbježali, u svlačionicu je upala policija sa izvučenim pištoljima i govorila mi da se smirim. Nisam mogao da vjerujem da me imaju na nišanu. Govorili su mi da spustim nož jer sam imao u ruci komad stakla i htio sam da izbodem Olajdžuvona. Ali svi su se razbježali pa nisam nikoga mogao da dohvatim. Takav sam bio nekad“, završio je Maksvel priču.

Ostavite Komentar

Your email address will not be published.