Kampaco dogovorio povratak u Real
Kako pišu novinari iz Španije, Fakundo Kampaco ima dogovor oko povratka u madridski Real. Jedino što bi moglo da ga spriječi da se ne vrati u Madrid je iznenadna ponuda iz NBA.
To piše novinar portala „Rumores Basket”. On navodi da Kampaco već ima dogovor oko povratka u Real, ali da sa druge strane nije odustao od trke za NBA ugovorom.
Kampaco je 2020. prešao iz Reala u Denver u veoma teškom momentu po Madriđane. Ostavio je ekipu bez plejmejkera da bi jurio svoj san u NBA gdje je skrenuo na sebe pažnju sjajnim asistencijama. Ipak Kampaco nije mogao bolje od toga da bude druga ili čak ponekad treća opcija u Nagetsima i nije pretjerano impresionirao druge ekipe koje mu nisu do sada nudile saradnju.
Faku je u dvije sezone prosječno igrao 20 minuta i bilježio je 5,6 poena po meču. Utisak je da možda neki igrači sa manje minuta lakše nađu zaposlenje u NBA, ali ne i Argentinac koji će na staro mjesto uspjeha. Vraća se u Madrid gdje ga čekaju otvorenih ruku.
(sk)