Mornar nikako da se pokrene sa te jedne pobjede u ABA ligi, koju je ostvario novembra prošle godine protiv Cibone.
Večeras je bodove iz Bara odnijela ekipa SC Derbija, boljom igrom u drugom dijelu.
„Želim da čestitam ekipi SC Derbija na zasluženoj pobjedi. Što se tiče utakmice, nemam šta da je prepričavam, vidjeli ste i sami„, rekao je trener Mornara, Mihailo Pavićević.
Pavićevićeva ekipa je pokazala dva lica.
„Mi smo odigrali dobrih 20 minuta u prvom poluvremenu, i onda kao da je na teren izašla neka druga ekipa. Otvorili smo drugo poluvrijeme sa tri, četiri izgubljene lopte, bez ideje u napadu, bez vraćanja u odbranu, jednostavno smo dozvolili ekipi SC Derbija da bez po muke dođe do prednosti, napravili su 8:0 ili 10:0 i onda u tim trenucima, kao i u prethodnim utakmicama, čim kola krenu niz brdo, nemamo nijednog igrača koji može da ta kola zaustavi, organizuje nešto, odigra pametno„, žali se Pavićević.
Pavićević je na kraju rekao:
„Od kuknjave nemamo ništa, zasluženo smo tu smo gdje smo i do kraja ćemo gledati da odigramo pošteno i krajnje profesionalno„, riječi su Mihaila Pavićevića, strateg Mornara.
