Vučević sjajan, Čikago srušio Minesotu

Još jedna odlična partija Nikole Vučevića u važnoj pobjedi Čikaga.

“Bikovi” su pred svojom publikom savladali nakon produžetka Minesotu 129:123.

Gosti su izborili produžetak trojkom Karla Entonija Taunsa, ali su u dodatnih pet minuta domaći bili bolji.

Vučević je na parketu proveo skoro 43 minuta i za to vrijeme ubacio 24 poena, uz 16 skokova i četiri blokade.

Efikasniji od Vučevića bili su Demar Derozan i Kobi Vajt sa po 33 poena, dok je Andre Dramond utakmicu završio sa 16 koševa.

U poraženoj ekipi 38 poena i 12 skokova Entonija Edvardsa, 33 je upisao Karl Entoni Tauns.

Čikago na devetom mjestu Istoka ima skor 24-27, Minesota je treći tim Zapada sa 35-16.