SDP traži saslušanje Purišića: Zašto zakon o penzijama još nije u Skupštini?

SDP traži saslušanje Purišića: Zašto zakon o penzijama još nije u Skupštini?

Predsjednica Socijaldemokratske partije (SDP) Draginja Vuksanović Stanković i poslanik Raško Konjević podnijeli su inicijativu za kontrolno saslušanje ministra rada i socijalnog staranja Kemala Purišića.

Inicijativu za kontrolno saslušane Purišića traže na temu “Položaj zaposlenih i penzionera u Crnoj Gori u svijetlu predstojećih izmjena i dopuna Zakona o penzijskom i invalidskom osiguranju”.

“Kako građani ne bi i dalje trpjeli štetu, potrebno je pred nadležnim Odborom utvrditi razloge zbog kojih ovaj predlog zakona nije dostavljen na usvajanje Skupštini, kako bi se omogućilo da se poslanici o njemu izjasne u primjerenom roku i kako bi stupio na snagu od naredne kalendarske i fiskalne godine”, navode Vuksanović Stanković i Konjević.

Podjećaju da je navedeni predlog izmjena zakona dogovoren između socijalnih partnera još prije godinu dana, a usvojen na Socijalnom savjetu prije pola godine.

“Naši sugrađani s pravom se pitaju zbog čega je taj zakon još uvijek u nečijoj ladici, a ne na sjednici Vlade i Skupštine”, zaključuje se.

Related posts

1 Comment

Leave a Reply

Vaša email adresa neće biti objavljivana. Neophodna polja su označena sa *