Hrvatska književnica Vedrana Rudan već više od godinu dana se bori sa karcinomom žučnih kanalića.
U najnovijem obraćanju, Vedrana Rudan je otvorila dušu, te se obratila medicinskoj sestri sa odjeljenja onkologije.
“Sigurna sam da svi vi zdravi nimalo ne zavidite nama na onkologiji koji ovdje živimo iako o našem životu ne znate ništa. Običan je to život. Uveče zaspiš i često si debelo siguran da idući dan dočekati nećeš. Pa se zlobno tješiš, možda neće ni zdravi.
O psićima, unucima, kćeri, ljepoti života, šetnjama po Krimeji i pušenju na balkonu noći o ponoći kad misli da je samo mjesec gleda. Ingrid, i bolesne smo i očajne i nesrećne i srećne jer te imamo. Što bismo mi bez tebe? Srećan rođendan”, napisala je Rudan.
Podsjetimo, Vedrana Rudan u svojim tekstovima detaljno opisuje kroz kakve muke prolazi, a nedavno je priznala da su joj “kosti osute metastazama” i da je svaka od njih u njoj “vrištala na svoj način”.
U svojim ranijim kolumnama često je isticala upravo herojsku ulogu medicinskih sestara koje brišu granice očaja i koje su jedina bića koja bolesnike, makar po njenom mišljenju, “drže na besmislenom životu”.
(CDM)
