Ekipa trenera Radisava Dragićevića nakon osam odigranih kola ima 13 bodova, tri manje od vodeće Sutjeske i nalazi se na trećem mjestu. Napravljena je ekipa koja je spoj iskustva i mladosti i koja iz kola u kolo igra sve bolje. Jedan od onih koji se ističe među plejadom mladih igrača je Petar Ražnatović. Momak koji je ovog ljeta napunio 17 godina nastupao je ove sezone na sedam utakmica, postigao je dva gola i odmah skrenuo pažnju na sebe.
-Naša igra zavisi od nas kao ekipe. Trudim se da na svakom treningu i utakmici dajem maksimum i doprinesem ekipi u svakom segmentu. Nekad su to i golovi i asistencije zbog kojih mi je drago naravno – rekao je Petar Ražnatović za „Dan“.
Kada je učinak ekipe u pitanju, Ražnatović je rekao da je zadovoljan dosadašnjim partijama i rezultatima koje je Arsenal postigao.
