Kruno Simon drugi košarkaš čiji broj na dresu će Anadolu Efes povući iz upotrebe

0

Anadolu Efes je odlučio da iz upotrebe povuče dres sa brojem 44 u čast hrvatskog košarkaš Krunoslava Simona.

Simon je za Anadolu Efes igrao od 2017. do 2022. godine i sa timom iz Istanbula je osvojio po dvije titule u Evroligi i Turskoj, kao i dva Kupa Turske.

Svečana ceremonija je zakazana za četvrtak uveče, pred utakmicu 10. kola Evrolige između Efesa i Olimpijakosa.

Simon će tako postati tek drugi košarkaš kojem će Efes prirediti ovakvu čast, pošto je pod svodovima „Sinan Erdem“ dvorane i dres bivšeg makedonskog internacionalca Petra Naumovskog koji je u dva mandata proveo šest godina kao član najtrofejnijeg turskog kluba i osvojio četiri titule i pet kupova u Turskoj, kao i FIBA „Kup Koraća”.

Iskusni hrvatski košarkaš je profesionalnu karijeru počeo 2002. godine u Zagrebu. Proveo je deset godina u klubu prije nego što se preselio u Unikahu iz Malage. Nastupao je potom i za Lokomotivu Kubanj i Olimpiju Milano, prije nego što je ljeta 2017. stigao u Efes.

Minulog ljeta je napustio Istanbul i vratio se u Hrvatsku, gdje brani boje Cedevite Junior.

(sk)

Ostavite Komentar

Your email address will not be published.