Crno-bijeli u nastavku „slomili otpor“ TSC-a

Fudbaleri Partizana pobijedili su TSC sa 3:1 na svom terenu u 35. kolu Superlige Srbije.

Zasluženo su slavili crno-bijeli, bili su bolji rival – posebno u drugom dijelu meča. Iskoristili su odlično prilike koje su im se ukazale i došli do novog trijumfa (petog vezanog).

Nije bilo golova u prvih 45 minuta, ali je zato sve nadoknađeno u drugom dijelu utakmice. Domaći su poveli u 53. minutu preko Bibrasa Natha koji je bio precizan sa bijele tačke. Prednost je duplirao Filip Holender kome je to bio deveti pogodak u sezoni. Treći gol za crno-bijele postigao je Miloš Jojić koji je dobro ispratio odbijenu loptu i smjestio je iza leđa Nenada Filipovića.

Jedini strijelac za goste bio je Borko Duronjić. Imao je TSC nekoliko dobrih prilika u prvom poluvremenu, ali nije bilo ni sreće, a ni preciznosti.

Partizan je ostao drugi na tabeli sa 89 bodova, dok je tim iz Bačke Topole na sedmoj poziciji sa 49.

(Novosti online)