Bez golova: Švedska remizirala sa Španijom

Nije bilo pobjednika, a ni golova u drugom meču uvodne runde grupe E na Evropskom šampionatu – Španija i Švedska su u Sevilji remizirale 0:0.

“Crvena furija” bila je nadmoćnija, ali nije koristila prilike. Velike zasluge za dobar rezultat Švedske idu na račun raspoloženog golmana Olsena.

U prvom poluvremenu dobre šanse i to u dva navrata propuštali su Olmo i Koke, a najbolju priliku imao je Morata koji situaciju 1 na 1 sa golmanom Olsonom nije pretvorio u vođstvo.

Šveđani su jednom zaprijetili, preko Isaka, ali i da je rezultat ostao nepromijenjen.

Švedska je ponovo bila opasna po gol Španije u 61. minutu. Sjajnu akciju poslije prodora Isaka nije iskoristio Berg.

Koliko su bili opasni u prvom, toliko su puleni Luisa Enrikea bili bez ideje u nastavku meča.

Podsjetimo, prvi meč ove grupe dobila je Slovačka savladaši Poljsku 2:1.