PIŠE: SIBIN
Svingerski kruzer iz Dubrovnika uplovljava u Kotor, kao što je u grad gdje su snimljene par scena „Igre prestola“, doplovio iz Šibenika pravo iz Italije.
Uglavnom: ideologija nam potura verziju realnosti u kojoj imamo višak izbora i nalog: Uživaj više!, zahvaljujući kojem raste anksioznost i osjećaj krivice, sve zbog odsustva uživanja u prekomjernoj ponudi svega što nam je na dohvat ruke.
Ploviš otvorenim vodama, pod plavim nebom, izležavaš se na udobnim krevetima od bijelog platna, cijediš koktel, pohađaš – erotske radionice, i sa bračnim saputnikom upuštaš se u bahanalije sa drugim bračnim parom.
Koliko košta to iskustvo „ljubavi“ u četvoro? 30.000$! Ta, dakle, ljepota poroka na skupocjenom plovilu na kojem se, turisti turbo turiraju, upražnjavajući nove vrijednosti, jer, zaimesvega, šta ima loše u tome praviti male ili velike rokade u braku, kad toliki i pucaju zašto što je čeljade grešno, pa uvijek bi ono što drugima ima, sve mu se čineči kako je to neuporedivo bolje.
Ko zna, možda Begbeda ima pravo kad ustanovi da – ljubav traje tri godine? Kako ne bi došlo do razvoda, brakorazvodne parnice, etc., partnera/ku povedeš na svinger kruzer, i novo iskustvo slobode u četvoro, odmah brak vrati na čvrste noge.
Prvi put kad sam gledao film Polanskog „Gorki mesec“, slabo šta sam dokučio, sada: ne bih imao šta dodati, izuzev toga da primjećujem da je i naslov sjajan, pošto zgasne animalna strast koja je hrana sama sebi, postajemo, par na gorkom mjesecu koji nalikuje Benu & Jenifer L.
Nihilistički konformizam zadaje potonji udarac stidu, svemu što nas je odvajalo od drugih vrsta, jer sada osim udovoljavanju niskim strastima i paganskim čulima, ne znamo za išta drugo.
Partijate na kraju svijeta, kad smo imali orgije na obodima Ukraijne kao sliku i priliku da je sloboda moguća i tokom rata, pisao je Žižek.
