Za samo deceniju „lisice“ prešle put od slave do ispadanja u treću ligu
Prije 10 godina bila je to najljepša priča svjetskog fudbala – maleni Lester je zadivio planetu i postao šampion Premijer lige. Deceniju kasnije Lester se stropoštao i ispao u treću ligu. Prošao je put od bajke do košmara.
Sa Klaudijom Ranijerijem na klupi, te sa Džejmijem Vardijem, Rijadom Marezom i Ngolom Kanteom na terenu „lisice“ su slavljene, igrale i četvrtfinale Lige šampiona, ali smrt vlasnika Višaja Srivadanaprabe u helikopterskoj nesreći 2018. bila je najava velikog pada. Tačnije sunovrata.
Jeste Lester imao još jedan bljesak kada je pod komandom Brendana Rodžersa osvojio FA Kup 2021. godine, ali njegova smjena 2023. nagovijestila teške dane. Lester je ispao u Čempionšip, da bi se vratio u elitu pod komandom Enca Mareske. Međutim, nije Lester uspio da sačuva elitni status, a trener su se mijenjali kao na traci. Uslijedio je povratak u Čempionšip, a loše vođenje kluba kulminiralo je ispadanjem u Ligu 1 nakon remija 2:2 protiv Hala na „King Pauer“ stadionu.
Lester je bio simbol nemogućeg, ali sada je daleko od svjetla reflektora i pitanje je šta će biti sjutra sa „lisicama“.
Posljednjih godina, vlasnik Ajvat Šrivabanapraba je izbrisao stotine milijuna funti duga kluba, ali kako su mnogi igrači i dalje u klubu i primaju za Ligu 1 astronomske plate, Lesteru će biti teško da posluje.
Tako da će i četvrta liga biti nova realnost Lestera.
