Predsjednik Srbije Aleksandar Vučić kazao je danas da je predsjednik Stranke slobode i pravde Dragan Đilas uzeo novac od kompanije Rio Tinto.
„Ja nisam uzeo pare, a Đilas sada traži od ljudi da idu na proteste. Sad ne razumijem da li mi treba da uzmemo pare sad da oni ne bi protestovali. Nisam shvatio to“ rekao je Vučić.
Vučić je kazao da je Đilas navodno uzeo 700.000 eura.
„Danas idem da razgovaram sa ljudima, biću spreman to je za mene najvažnije. Ponio sam i vreću sa spavanje, koliko god da kažu čekaću, idem da rješavam probleme. Ako neko hoće da se bavi politikom i politikanstvom to uvijek možemo. Naše je da idemo sa ljudima koji su iskreno zabrinuti, a i iza kojih ne stoji Vračarska ili inostrana politika“ zaključio je Vučić.
Podsjetimo, inicijativa „Kreni-promeni“ i pokreti okupljeni oko Ekološkog ustanka u Srbiji najavili su za danas blokadu puteva i mostova na desetak lokacija u Beogradu, i u više od 50 gradova u državi.
