Roma generalno ne može da se pohvali dobrim rezultatima pod komandom Žozea Murinja, ali navijači će mu vječito biti zahvalni na izdanju ekipe u derbiju protiv Lacija.
“Vučica” je slavila sa 3:0, a portugalski stručnjak je u poptunosti pročitao i nadmudrio kolegu Mauricija Sarija.
“Sjajna partija! Ovo je bilo zaista posebno. Deluje da smo primenili na terenu sve što smo ranije pripremali i na čemu smo radili. Lacio je pokušao u drugom poluvremenu, igrao sa ponosom ali zapravo nam nikada nije ozbiljno priprijetio i moji momci zaslužuju čestitke za to“, rekao je Murinjo.
Romi predstoji borba za peto mjesto u Seriji A.
„Vidim istu četvorku na istom mjestu na kraju sezone. Bore se za prvo mjesto i ostaće tamo. Ne vjerujem da će neko od njih da izgubi drastičan broj bodova. A onda imate četiri tima koja se bore za plasman od petog do osmog mjesta: Mi, Atalanta, Lacio i Fiorentina. Niko od nas nema potencijal koji imaju prva četiri”, ocijenio je Specijalni.
