Bruno spriječio novi neuspjeh Junajteda

U 11. rundi engleske Premijer lige fudbaleri Mančester junajteda savladali su Fulam na gostovanju minimalnim rezultatom, 1:0.

Daleko su od idealne partije bili izabranici Erika ten Haga, ali je Bruno Fernandeš golom u prvom minutu nadoknade spasio i holandskog stručnjaka, ali i dan navijača Junajteda.

Poslije gužve u kaznenom prostoru domaćih, lopta je došla do kapitena Junajteda na ivicu šesnaesterca, a Portugalac je hirurški preciznim udarcem pogodio mrežu Bernda Lena. Slučajni asistent, slobodno se može tako reći, bio je Fakundo Pelistri.

Ovom pobjedom Mančester junajted je, makar na kratko, preskočio Njukasl i Brajton i trenutno je na šestom mjestu Premijer lige.

U narednom kolu dočekuju Luton na Old Trafordu.

(lobsport.me)