Jokić, koji je postigao 24 poena u drugom poluvremenu, pogodio je 11 od 20 šuteva iz igre. Tim Hardavej junior dodao je 12 poena sa klupe za Nagetse, koji su šutirali 53 odsto .
Denver je popravio skor na 2-1 u NBA kupu, uz još jedan meč preostao – 28. novembra kod kuće protiv San Antonija. Rokitsi su pali na 1-2, a posljednju utakmicu u grupi igraju u srijedu protiv Golden Stejta.
Rid Šepard postigao je rekord karijere od 27 poena i predvodio Hjuston, kojem je prekinut niz od pet pobjeda. U prvom poluvremenu ubacio je 20 poena uz šut 8/11, uključujući 4/6 za tri poena.
Amen Tompson dodao je 22 poena i 7 skokova, Džabari Smit junior imao je 21 poen i 11 skokova, Alperen Šengun ubacio je 14, a Kevin Durent 13 poena za Hjuston, koji je šutirao 44% iz igre.
Denver je gubio 92:87 devet minuta prije kraja, ali je zatim napravio seriju 20:9 i poveo šest razlike nakon dva pogođena slobodna bacanja Mareja na 23 sekunde do kraja. Hjuston je potom ubacio 8 od narednih 11 poena i prišao na 110:109 poslije trojke Smita na pet sekundi prije kraja. Jokić je zatim pogodio dva bacanja na nešto manje od tri sekunde do završetka, a Šengunov pokušaj sa polovine terena na zvuk sirene nije bio precizan.
Aron Gordon napustio je teren već poslije tri i po minuta igre zbog povrede zadnje lože desne noge, nakon što je pao prilikom prodora. Gordon, koji je propustio prethodni meč Denvera protiv Nju Orleansa zbog povrede, teško se podigao i uz šepanje otišao u svlačionicu.
(RTCG)
