Dva različita poluvremena je odigrao Liverpul, ali je na kraju uspio da savlada Everton na „Enfildu“ 2:1 u gradskom derbiju i zadrži maksimalan učinak nakon pet odigranih kola u Premijer ligi.
Liverpul je dominirao u prvom dijelu, pa je od starta preuzeo inicijativu i bolju igru naplatio već u desetom minutu.
Salah je proigrao Gravenberh, koji je utrčao iz drugog plana i iskosa sa desne strane matirao Pikforda.
Egipćanin je u 16. minutu sa ivice kaznenog prostora šutirao tik pored stative. Bio je to samo uvod u drugi gol „redsa“, koji su i poslije vodećeg gola nastavili sa silovitim napadima.
Gravenberg je ovoga puta bio u ulozi asistenta, a realizator Ekitike. Francuz je u 32. minutu poslao loptu kroz noge golmanu „karamela.
Tek nakon toga nešto i od Evertona, igrao se 44. minut kada je Gana Gej šutirao, a Alison dobro intervenisao.
„Karamele“ su mnogo bolje otvorile nastavak, napravile su pritisak, koji je urodio plodom u 58. minutu. Ndiaj je odložio loptu za Ganu Geja, koji je sa 13-14 metara poslao loptu pod prečku.
Rasplamsala se broba nakon toga, prijetili su i jedni i drugi, ali šampion je uspio da sačuva prednost, dođe do pobjede i zadrži 1. mjesto.
Na drugoj strani, Everton je na 7. poziciji sa sedam bodova.
